GIMP e brezhoneg
Kinnig
Ur meziant keweriañ ar skeudennoù bitmap eo GIMP (tresañ, daskemmañ, bliverezh, h.a.).
Kinnig ur benveg labour all, digoust, hag Adobe Photoshop, gant ur c'hetal un tamm disheñvel a oa pal ar meziant-mañ.
Talvezout a ra GIMP GNU Image Manipulation Program, da lavarout eo « goulev GNU da zornata skeudennoù », gwechall e veze lavaret General Image Manipulation Program. Krouet eo bet ar raktres gant Spencer Kimball ha Peter Mattis e 1995.
Da gentañ penn e oa tonket d'ar reizhiadoù korvoiñ Unix ha GNU/Linux hag ivez Darwin (diazez Mac OS X). Gant Microsoft Windows ez a en-dro ivez, avat. Wilber eo an hini eo hudellig GIMP.
Evel ma 'z eo meneget gant e anv, emañ GIMP e-kreiz raktres GNU. Troet eo bet penn-da-benn gant pare Korvigelloù an drouizig.
Kelennskridoù evit deskiñ penaos ober gant GIMP
Gant Belvar:
Kelennskrid laser (pdf, odt)
Kelennskrid daoulagad ruz (pdf, odt)
Kelennskrid liviaoù (pdf, odt)
Kelennskrid sepia (pdf, odt)
Pellgargañ an handelv brezhoneg
- Da gentañ, pellgargit ha stailhit GIMP 2.6.x ha GTK+ 2 Runtime Environment amañ.
- Ouzhpennit an argemmen reizhiad nevez LANG=br dre Panneau de Configuration/Système/Avancé/Variable d'environement/Nouveau (Nom = LANG / Valeur = br).