Page 1 sur 1

Microsoft e brezhoneg : mat pe fall ?

Publié : lun. juin 04, 2007 2:15 pm
par Malo-net
Demat deoc'h.

Petra soñj ar re a ra kalzik gant meziantoù frank eus ar fed ma vo troet meziantoù Microsoft e brezhoneg ? Evit ar brezhoneg eo un dra vat, met daoust hag-eñ ne zizroio ket tud 'zo eus ar meziantoù frank abalamour da se ?

Ar goulenn-mañ am eus klevet un nebeud gwezhioù; met d'am soñj n'eus bet den evit krediñ skrivañ anezhi, ken laouen ma oamp ma vefe ur stumm "anaoudegezh ofisiel" eus ar brezhoneg gant un embregerezh ken bras ha Microsoft.

...setu e lakan "...les pieds dans le plat", evel ma vez lavaret e galleg...

Diouzh ma zu e ouzan mat e kendalc'hin d'ober gant meziantoù frank, pa n'on ket a-du tamm ebet gant tro-spered Microsoft, met ne vo ket ar pezh a ray an holl moarvat.

Publié : lun. juin 11, 2007 8:52 am
par Giulia
MM, graet m'oa an evezhiadenn-se dija ur miz pe zaou 'zo, war ar forom-mañ. Dipitet a-walc'h on, eus ma zu, ne vije ket troet muioc'h an Ofis davet ar meziantoù frank. Komzet m'eus eus an dra-se ivez gant tud Gulliver (ur gevredigezh tro-dro d'ar meziantoù frank e Roazhon), hag a oa dipitet ivez.
Met bon, ne fell ket din adober an diviz war ar sujed-mañ, forzh penaos ne ran ket kalz a dra evit treiñ meziantoù er mare-mañ.