Korvigelloù An DROUIZIG

Demat deoc'h,

Skrivañ a ran deoc'h a-berzh Skol Ober (kentelioù brezhoneg dre lizher) e Lannuon.
Prenet hon eus diganeoc'h ur c'hlavier c'hwerty, un nebeut bloavezhioù zo e-pad gouel ar brezhoneg e Karaez.
Staliet e oa bet war hon urzhiataer hag e kerzhe hep kudenn ebet. Ar sizhun paseet hon eus cheñchet urzhiataer ha n'eo ket ken staliet bremañ.
Siwazh n'hon eus ket ken eus ar meziant evit staliañ anezhañ en-dro. Renket eo bet en un doare re vat en ul lec'h bennak ha ne gavomp ket ken anezhañ!
Klasket em eus staliañ anezhañ gant ar meziant a oa staliet en urzhiataer kozh (evit Windows 98-Me), met ne gerzh ket gant ar Windows nevez hon eus (Windows XP).
Daoust hag-eñ ho pefe un diskoulm bennak da reiñ deomp, en ur c'hortoz adkavout ar meziant?

Trugarez deoc'h en araok evit ho respont.

Evit Skol Ober
Cecilia Pierson

Trugarez vras deoc'h evit ho skoazell. Staliet em eus ar c'hlavier evel m'hoc'h
eus lavaret din hag e kerzh mat bremañ. Kontant on da c'hellout ebarzhiñ
testennoù buan a-nevez, ken boazet ma oan gant ar "c'hwerty"!
Kenavo.

Cecilia