Skrivet he deus ar gevredigezh An Drouizig un nebeud geriaouegoù galleg-brezhoneg evit deskiñ geriaoueg ar stlenneg. Da lenn pe da bellgargañ e PDF int enlinenn.
E 2017 e teu ur meziant nevez da hizivaat ur c’heriaoueg maget gant termenoù nevez ha da erlec’hiañ ar geriaoueg 2012 hag a zo diamzeriet.
Adembann a ra An Drouizig e 2012 ur geriaoueg brezhoneg maget gant gerioù nevez war dachenn ar stlenneg.
Alan Montfort, ezel bet e An Drouizig, en deus skrivet e 2009 ur c’heriaoueg evit kregiñ gant ar meziantoù e brezhoneg : OpenOffice, Firefox, Thunderbird, Gimp, Inkscape…Adkemer a ra ar geriaoueg-se ur stumm koshoc’h, da gaout enlinenn c’hoazh.
Diazezet eo ar geriaouegoù-se war troidigezhioù ar meziantoù LibreOffice, Firefox, Thunderbird, Gimp, Inkscape, ha meziantoù all troet gant An Drouizig. Ma vez gerioù diank e c’hellit skrivañ da drouizig@drouizig.org.