Demat Fulub,
kazi netra e gwirionez, met ma c'hall kement-mañ da sikour, ha pa ne vefe nemet un tammig, da gas da benn da labour espar evit hor yezh...
* E-barzh Nenn Jani em eus lennet ar ger "staeoù", ha padal, gwir eo, e-barzh geriadur Roparz Hemon, ne vez kinniget liester ebet d'ar ger-se... setu perak an Drouizig Difazier a verk ur fazi en degouezh-se. Penaos ober : moarvat e c'hall bezañ meur a stae war ur vag... keta ?
* ar gerioù "huñvreal, huñvre...", "menoz" ha "moulañ" hon eus bet tro da eskemm war o divout, hogen e kredan adlavaret dit e kav din e vefe fur degemer ar stummoù "standard" (klasel...) anezho : a-raok ober gant ADD, morse n'em boa termet evit skrivañ ar gerioù-se (er stumm-mañ !)
* "atebeien" (liester an anv "atebeg) ne vez ket anavezet gant ADD ; hogen, "atabeien" a vez... n'anavezan ket ar ger diwezhañ-mañ : daoust ha ne vefe ket aze ur vi koukoug ? (gant resped deoc'h !!)
* ar ger "Oueloù" (stumm kemmet "Goueloù (Bro-Oueloù)) n'eo ket anavezet kennebeut... gall a ra c'hoarvezout memestra e vefe ar ger-se implijet evel-se, e-unan, a gav din : petra soñjes ?
* Ar ger "resisadur" (liest. "resisadurioù") a zo anezhañ, keta ? Gwir eo ne gaver ket anezhañ e geriadur RH, padal, alies-kaer e vez implijet ganin, daoust hag un ijinadenn e vefe (eus va ferzh) ?
Lezel a ran ac'hanout o prederiañ war an nebeut krafoù-mañ : emichañs ne sammint ket re da spered, hag e c'halli tremen ehanoù diskuizhus ha laouen... Lâr din da soñj pa c'halli, memes tra... Gouzout a ouzon ervat ne zibabez morse tra diwar skañv. Un dra vat eo.
Gourc'hemennoù dit ur wech ouzhpenn evit an holl dreoù a rez evit ar brezhoneg, hag evit ar vrezhonegerien,
A galon,
Tomaz
Un nebeut evezhiadennoù
- Gweladenner-kozh
- Messages : 33
- Inscription : lun. déc. 20, 2004 10:33 am
- Localisation : Orleañs
- drouizig
- Site Admin
- Messages : 484
- Inscription : mar. nov. 16, 2004 11:45 am
- Localisation : Gwened/Sant-Brieg/Pouldreuzig
- Contact :
Demat Tomaz,
Reizhet em eus stae(où), atebeien/atebeion, resisadur(ioù) e geriadur ADD.
Savet em eus ivez ar stummoù kemmet e «ou-» o tont deus gerioù a grog gant «gou-».
Dont a raio er maez ADD 2.4 a-benn nebeut amzer neuze![Smile :)](./images/smilies/icon_smile.gif)
Evit da evezhiadennoù all e vo dav din eskemm un tamm c'hoazh gant tud all evit ober ma soñj...
Trugarez c'hoazh!
Philippe
Reizhet em eus stae(où), atebeien/atebeion, resisadur(ioù) e geriadur ADD.
Savet em eus ivez ar stummoù kemmet e «ou-» o tont deus gerioù a grog gant «gou-».
Dont a raio er maez ADD 2.4 a-benn nebeut amzer neuze
![Smile :)](./images/smilies/icon_smile.gif)
Evit da evezhiadennoù all e vo dav din eskemm un tamm c'hoazh gant tud all evit ober ma soñj...
Trugarez c'hoazh!
Philippe