Salud dit
Staliet em boa, dec'h da noz, doare nevesañ An Difazier
setu 'ta un nebeut evezhiadennoù war e zivout :
1- Me gav din ez eus kalz a merkoù gwer, ha ne gomprenan ket re o abeg (gwelout skeudennoù skramm a-stag) : nemet e vefe fazioù yezhadur gwir evel, da skouer, "meur a dud", e verk atav "gwiriañ ar poentadur hag an esaouennoù etre ar gerioù" : ha koulskoude ne welan ket petra zo a dreuz
(nouvelle image(1)) Evit gwir, marteze eo deuet da vezañ un tammig re strizh an difazier
gallout a rafe marteze lezel un tammig muioc'h a frankiz d'an arverer, gav ket dit ?
2- Ar reizher yezhadur a chom war "vrezhoneg" ha pa vefe bet cheñchet ar yezh en ur ran destenn bennak : skouer, "il n'y a pas que" (yezh diskleriet "galleg") islinennet e gwer memestra, hag ar c'hinnig "gwiriañ ar poentadur hag an esaouennoù etre ar gerioù"
3- An deiziadoù : lakaat a ra ez eus e « ar bevar a Ouere » ur fazi kemmadur
ar c'hontrol an hini eo ! reolenn : kemmadur da « Tri, Pevar, Pemp » goude « ar » pe « d'ar » e deiziadoù.
Skouerioù : « ar c'hentañ a viz Genver », « an daou a viz C'hwevrer », « an dri a viz Meurzh », « ar bevar a viz Ebrel », « ar bemp a viz Mae », « ar c'hwec'h a viz Even »
.
pe : « d'ar c'hentañ a viz Genver », « d'an daou a viz C'hwevrer », « d'an dri a viz Meurzh », « d'ar bevar a viz Ebrel », « d'ar bemp a viz Mae », « d'ar c'hwec'h a viz Even »
.
NB : « a viz » a c'hall bezañ berraet gant « a » hepken, ha neuze, e laka anv ar miz da gemm : « ar c'hentañ a Genver », « an daou a C'hwevrer », « an dri a Veurzh », « ar bevar a Ebrel », « ar bemp a Vae », « ar c'hwec'h a Even » (pe v/Mezheven)
. Hag evel-se, « a Ouere », « a Eost », « a Wengolo », « a Here », « a Zu », « a Gerzu »
Ken@+
Tomaz
ADD 2007SP1 - Kudenn gant an esaouenn didroc'hus
- drouizig
- Site Admin
- Messages : 484
- Inscription : mar. nov. 16, 2004 11:45 am
- Localisation : Gwened/Sant-Brieg/Pouldreuzig
- Contact :
Novzat Tomaz
ok kavet em eus ar gudenn gant ar gwer... iskis eo...
meur a esaouenn didroc'hus ez eus 'b an teul .doc roet ganit, war-lerc'h ar "«" hag a-raok ar "»".... met gant MS Word e vez diskouezet unan hepken... a dra sur e oa fall an efed... en abeg d'an dra-se e oa kollet an dielfenner war-lerc'h... setu, reizhet eo gant mssp3br_sp1.msi ar c'hudennoù bet dizoloet ganit,
Posupl eo d'an holl adpellgargañ mssp3br_sp1.msi eta.
Cheñchet e vo niverenn an doare diwezhatoc'h...
Kas keloù din
Philippe
ok kavet em eus ar gudenn gant ar gwer... iskis eo...
meur a esaouenn didroc'hus ez eus 'b an teul .doc roet ganit, war-lerc'h ar "«" hag a-raok ar "»".... met gant MS Word e vez diskouezet unan hepken... a dra sur e oa fall an efed... en abeg d'an dra-se e oa kollet an dielfenner war-lerc'h... setu, reizhet eo gant mssp3br_sp1.msi ar c'hudennoù bet dizoloet ganit,
Posupl eo d'an holl adpellgargañ mssp3br_sp1.msi eta.
Cheñchet e vo niverenn an doare diwezhatoc'h...
Kas keloù din
Philippe